બિગ બી સાથે ભોજન લેવાનું સ્વપ્ન પૂર્ણ થશે

બોલિવૂડ મેગા સ્ટાર અમિતાભ બચ્ચન સાથે લંચ લેવા અંગે હરાજી કરવામાં આવી હતી. ચેરિટી માટે નાણા ભેગા કરવા માટે એક હરાજીનું આયોજન કરવામાં આવ્યું હતું.

અત્યાર સુધી હરાજીમાં બિગ બી સાથે લંચના 6 લાખ રૂપિયા સુધીની બોલી બોલવામાં આવી છે. ગઈકાલે રૂપિયા 1001થી બોલીની શરૂઆત કરવામાં આવી હતી. આજે આ બોલી રૂપિયા 6 લાખ સુધી પહોંચી ગઈ છે.

67 વર્ષીય અભિનેતાએ બેડ બોય સલમાન ખાન, અક્ષય કુમારને ક્યાંય પાછળ મૂકી દીધા છે.

અક્કી સાથે બ્રેક ફાસ્ટ માટે રૂપિયા ચાર લાખ બાવન હજારની બોલી બોલવામાં આવી હતી. સૌથી વધારે નાણા આપનાર વ્યક્તિ બચ્ચન સાથે લંચ લઈ શકશે અને બિગ બીને કેટલાંક સવાલો પણ પૂછી શકશે. તે વ્યક્તિ શહેનશાહની કરિયરને લઈને સવાલો પૂછી શકશે.

વિજેતા વ્યક્તિ બિગ બી સાથે ફોટો પણ પડાવી શકશે અને બચ્ચનનો ઓટોગ્રાફ પણ મેળવી શકશે. ઈબે દ્વારા આ હારજીનું આયોજન કરવામાં આવ્યું છે.

હાલમાં જોય ઓફ ગિવીંગ વીક ચાલી રહ્યું છે. બેંગલોરમાં રવિના ટંડન સાથે લંચ લેવા માટે હરાજી બોલવામાં આવી હતી.